ሞሃ የለስላሳ መጠጦች ኢንዳስትሪ የሐዋሳ ሚሊኒየም ፔፕሲ ፋብሪካ 10 ሚሊየን ብር የፈጀ 40 የኮንቲነር ሱቆችን ቁልፍ አስረከበ።

ኮንቲነር ሱቆቹ ለ200 ወጣቶች የስራ እድል ፈጥረዋል ።

በያንዳንዱ ሼዶ ውስጥ ስራ ማስጀመሪያ የሚሆን 20 ሺህ ብር የሚያወጣ የፋብሪካው ምርት ጭምር ተሰጥተዋል።

በርክክብ ስነ-ስርዓቱ ላይ ፋብሪካው ለስራ እድል ምቹ ሁኔታን ከመፍጠር በተጨማሪ በኮሪደር ልማት ስራዎች ላይ እየተሳተፈ እንደሚገኝ ተጠቁመዋል።

የሐዋሳ ሚሊኒየም ፔፕሲ ፋብሪካ ዋና ስራ አስኪያጅ አቶ ስጦታው ታደሰ ፋብሪካው የስራ ዕድል ከመፍጠር ባሻገር የማህበራዊ የልማት ስራዎች ላይም የሚሳተፍ መሆኑን ገልጸዋል።

የዚህ ዕድል ተጠቃሚ ወጣቶች በበኩላቸው ስራ በማጣት ተቸግረው እንደነበረ በመግለፅ በዚህ ዕድል መደሰታቸውን ተናግረዋል።