ኤክስፖውን የዳሽን ባንክ የዳይሬክተሮች ቦርድ ሊቀ-መንበር አቶ ዱላ መኮንን፣ የባንኩ ፕሬዚዳንት አቶ አስፋው አለሙና የሚድሮክ ኢንቨስትመንት ግሩፕ ዋና ስራ አስፈጻሚ አቶ ጀማል አህመድ በይፋ ከፍተዋል።
በሚድሮክ ኢንቨስትመንት ግሩፕ ስር የሚገኙ ድርጅቶችም ምርትና አገልግሎቶቻቸውን ይዘው በኤክስፖው ላይ ከዛሬ ጀምሮ ለተከታታይ 9 ቀናት የሚቆዩ ይሆናል።
የሚድሮክ ኢንቨስትመንት ግሩፕ ዋና ስራ አስፈፃሚ አቶ ጀማል አህመድ፤ ለመላው የዳሸን ባንክ አመራሮች፣ ሰራተኞችና ባለአክሲዮኖች እንኳን ለ30ኛው ዓመት የምስረታ በዓል በሰላም አደረሳችሁ በማለት መልካም ምኞታቸውን ገልፀዋል።
ባንኩ ባለፉት 30 ዓመታት አዳዲስና ዘመናዊ አሰራሮችን ለኢትዮጵያ የባንክ ኢንዱስትሪ በማስተዋወቅ ለዘርፉ እድገት ትልቅ አሻራ ማሳረፍ ችሏል።
የዳሸን ባንክ ፕሬዝዳንት አቶ አስፋው አለሙ፤ በክቡር ሼይኽ መሐመድ ሁሴን አሊ አል-አሙዲ ሃሳብ አመንጪነት ከ30 ዓመታት በፊት ስራ የጀመረው ዳሸን ባንክ፣ ከኢትዮጵያ የግል ባንኮች ፈር ቀዳጅ በመሆን ለደንበኞቹ ቀልጣፋና ዘመናዊ አገልግሎት በመስጠት ላይ እንደሚገኝ ገልፀዋል።
ባንኩ በእነዚህ ዓመታት ዘርፉን ከማዘመን ባሻገር፣ ማህበራዊ ኃላፊነቱን በመወጣት ረገድ ከሚድሮክ ኢንቨስትመንት ግሩፕ ጋር በመቀናጀት የተለያዩ ተግባራትን እያከናወነ ነው።
ከሚያዝያ 15 እስከ 24 ቀን 2018 ዓ.ም በየቀኑ ከረፋድ 4፡00 እስከ 10:00 ሰዓት በዳሸን ባንክ ዋና መሥሪያ ቤት የባንኩን 30ኛ ዓመት አብረው እያከበሩ የሚድሮክ ምርትና አገልግሎቶችን ይጎብኙ።
ሚድሮክ ኢንቨስትመንት ግሩፕ – የሀገር ሀብት
