Bebeka Coffee Estate

በበቃ ቡና እርሻ። በበቃ ቡና እርሻ በ1972 ዓ.ም. ተቋቁሟል። እርሻው በመጀመሪያ 300 ቋሚና ጊዜያዊ ሠራተኞችን ቀጥሮ ነበር። በበቃ ቡና እርሻ በደቡብ ብሔሮች ብሔረሰቦችና ሕዝቦች ክልል ቤንች ሸኮ ዞን ይገኛል። በከፊል በደቡብ ቤንች ወረዳና በከፊል በጉራ ፈርዳ ወረዳ ውስጥ ይገኛል። ከዞኑ ዋና ከተማ ሚዛን ተፈሪ 30KM፣ ከአዲስ አበባ ደግሞ 595KM ርቀት ላይ ይገኛል። እርሻው በ7°11”00” ሰሜን ኬክሮስና በ35°15”53”-35°15”66” ምሥራቅ ኬንትሮስ ላይ ይገኛል። እርሻው ከባሕር ጠለል በላይ 1,000 – 1,368m ከፍታ ላይ ይገኛል። በዓመት በአማካይ 1,742mm ዝናብ ያገኛል። አማካይ ከፍተኛ የሙቀት መጠን 27.5°C ሲሆን አማካይ ዝቅተኛ የሙቀት መጠን 16.4°C ነው። የአፈሩ PH ከ5.0 እስከ 6.0 መካከል ነው።